Skip to main content

Ikatlung Batch da reng Seasonal Farm Workers

Masaya nala pung inatad Mayor Esmie G. Pineda nandin abak keng karelang bus a peparam nang #GovernorDelta papunta airport deng katlung batch da reng seasonal farm workers a magobra keng syudad ning Goryeong Gun, South Korea.
44 la pung katawu reng tauling grupung meko nandin abak samantalang 50 katau nala man deng apalako tamu anyang March 3.
Pasibayung penabilinan nalang Mayor Esmie reng talapagobra a samasan dang makiutus keng puntalan da at ali la lalabag kareng batas keng bansang puntalan da.
Makanyan mu naman pu mekisabi ya ing alkaldi kareti na ireport da keng municipio ing nanumang problemang aranasan da para asopan tala.
Pasibayu pung pasalamat tamu keng Provincial Capitol, keng kapamilatan nang #GovernorDelta keng peparam dang bus para asaken da reng kekatamung magobra papunta keng airport.
#LevelUpLubao
#mayoresmiepineda